Puro infierno CD

Vendettaren “Puro infierno” bigarren lan luzeari” lehenengoari baino poztasun gehiago dario. Pozkario hau ez dago inolaz ustezko ongizatea eskaini baina infernuetan puruena ematen digun sistemaren aurkako mesfidantzarekin kontraesanean. Vendettak botere legezakeari otzantasun intelektualari muzin egiten die, festaren garrari muzin egin gabe betiere, algara bizian. Bizitza etengabeko borroka da eta berauen zein musikaren aldeko defentsa sendo eta trebean dirau Vendettak. “Puro infierno” musika molde eta kolore askoren arteko sintesia da bere oinarrian; ska-mex, rantxera, tex-mex, patxanga eta ska-reggaea, rockaren betiereko presentzia duela gidari. Erritmo biziek definitzen dute Vendettaren musika, beti egunaz gozatzeko, bizitza zihurtasunez bizitzeko prest. Vendetta uneoro dantza egiteko ska erritmoko talde bat da; bene benetakoa, bizi-bizia, herrikoia, festa giro sortzailea, irria ezpainetan dutela.