Reacciona!!! CD

Kaotiko taldearen ”Reacciona!!!” diskoak lau ezaugarri ditu: ahots sendo eta berezia, gitarra arin eta sarkorrak, oinarri erritmiko boteretsua eta koruen handitasuna eta leherkortasuna. Kaotiko taldearen musikak oparotasuna eskaintzen du eta ez du gabezia punturik erakusten. Haien musikaren kartografia artistikoa argia eta gardena da, erabateko pazientziaz osatutakoa. Kaotiko taldeak errealitatearen oinarria hemen eta orain ikusten du, haragizko musika haragizko musikarientzat. Abestiz abesti biribildutako lana, krisola legez, non egun bizi dugun miseria intelektual eta kulturalari hortzak erakusten dituen Kaotiko taldeak. Kaotikok bere punk-rock makineria zeharo olioztaturik du, txukuna eta guztiz distiratsu. «Reacciona!!!» diskoa punkaren abiadurarekin hornitutako rock zaplastako galanta da; seigarren disko honek, Aguraingo etxetik, sendotasuna erakusten digu, biribiltasuna eta bizkortasun handiagoa aurrekoetan baino.