Gorantz erori CD

Elorrioko Lor taldea izan zenaren errautsetatik jaio da Antton taldea. Antton Uriarte abeslari eta hizki egilearen izenetik eratorria, talde proiektu peto-petoa da bakarkako abentura baino; Uriarterekin batera Lor taldeko Lander Irazola gitarrista eta kantaria, Rami Unzeta bateria, Mikel Nuñez teklatu jotzailea eta Txaber San Pedro baxu jotzailea daude hamaikakoan.

Gorantz Erori taldearen lehen diskak power-pop eta rock airedun kantuak biltzen ditu, denak diskoari izenburua ematen dion kantuarekin harremanduak; lege fisikoak hankaz gora jarri eta “tente erortzearen zentzua” eman nahi izan diote esaldiari, erori eta berriz altxatzearekin, “beti goian mantendu gura dugu, konturatu barik behera jausi behar dela gorantz egiteko, altxatzeko”. Kontraesan horiekin gustura sentitzen da taldea ordea, Lurretik erori eta altxatzeko gogoz agian?