The Uski’s CD

The Uski’s taldearen «The Uski’s» diskoa da, bosgarrena. Rock and roll abestiak dira funtsean baina rockaren barneko estiloetako musika zertzelada anitzak aurkituko ditugu bertan. Kantu bakoitzak soinu mundu berezia du eta muinean batasuna ageri da melodiak kantatzeko moduan eta koruetan. Horrek emango dio diskoari betiko The Uski’s taldearen norabidea. The Uski’s taldeak astindu nahi du eurengan jendeak pentsatu ohi duena, abesti surferoak eta hondartza zaleak, nahiz eta abesti baten izenburua «Hawaiian» izan. Beraz, portaera horretatik badu abesteko forman, batez ere, baina gero garaje-rock, proto-punk, hard-rock, pop, New Orleansko doinu beltzak, soula, musika beltzaren arrastoak ere nabari zaizkion. The Uski’s taldeak rockarekiko maitasuna dantza bilakatu ohi du, dohain bikainak dituelako melodiak gerriaren mugimendu bihurtzeko. Letretan taldearen aurpegirik gordinena ikusiko dugu, lastorik gabe doaz hitzak, harremanak eta ustelkeria politikoa hizpide, besteak beste.