Tximeletak CD

Lain taldearen hirugarren diskoak «Tximeletak» du izenburua. Taldeak rock esparrura jo du beste behin, doinu biziagoekin jolastuz, gogorragoekin, abesti kementsuagoak sortuz baina melodien ezaugarria galdu gabe. Sorgintzen segituko dute bi nesken ahotsek, jendea liluratuz. Lain taldean metaforfosia gertatu da baina oraindik aurreko garaiko uneak antzemangarriak dira, trantsiziozko kantuak ere badira. Ez da dena berria, baina bai biribila eta ederra. Lain dagoeneko ez dago hain berde.