La fuerza de la fragilidad. Palabras ante el espejo CD

“La fuerza de la fragilidad” (2018) Doctor Deseoren diskoa dance eta garage doinuz bustia dator rock boteretsuarekin nahastuta; batzuetan Australiako garagea ekar dakiguke burura, besteetan grunge amerikarra gitarrez lepo. Doctor Deseok dancea gustukoa duela ongi dakigu jada, garagea ulertzeko ikuspuntu berezkoa lortu du lan honetan haren bidez. Elektronikarekin jolas egitea ere ongi datorkie, maiz janzten duten soinua dute eta; oso era naturalean nahastu dituzte erritmo ahaltsu, kementsu eta gitarra zaleak dance kutsudun elektronikarekin.Saxoa fin eta leun sartuko zaigu arnasketa askean,” Adiós” abestia lekuko.

Disko soila ateratzearekin nahikoa ez eta liburua, gehi CDa eta DVDa, bai. Balio erantsia eman nahi zaio argitalpenari eta Doctor Deseo zaleei gauza berezi bat eskaini. Kantu berriekin batera Euskadiko Orkestra Sinfonikoarekin egindako hiru bertsio sartu dira. Liburua Doctor Deseo taldearen oparia da eta oparigai. Mezu hau helarazi nahi zaio zaleari: oparitu Doctor Deseo. Eta hortaz doaz abestiak ere.