Noiz arte CD

EtsaiakEroak… Noiz arte? EtsaiakEroak taldeak esan dezake agian esaldi erabili-erabilia: «hirugarrenean asmatu». Talde bizkaitarrak hiru urtetan hiru disko plazaratu ditu, «Noiz arte?» izanik hauetako azkena. Auo kantariak oraindik ez du etsi nahi eta ez du etsiko. Etsaiak taldea 1987an sortu ondoren, musikan buru-belarri ibili da; orain EtsaiakEroak taldeko buruzagi eta frontmanak talde sendoa biribildu du alboan: Jon Estankona (Rat-zinger ohia) baterian, Dann Hoyos gitarra jotzaile ospetsua, Josu Holly Brandy baxuan eta Axular AME estudioko eta zuzeneko teknikaria Arizmendi perkusioan. Beraz, EtsaiakEroak une egokian dago jauzia emateko. Diskoak laguntzaile finak ditu: Toki, Juan S.A. eta Aneguria, etorkizun handiko rap zalea.