Mundu kodifikatuen atzean CD

Sarkor taldeak «Mundu kodifikatuen atzean» izenburua jarri dio haiek hirugarren diskoari. Gitarren boterea sarkorra da diskoan, bi gitarra trinko abiadura eta pisuarekin, zorrotzak eta erasokorrak uneoro, zikinak eta distortsionatuak, inolako betelanik gabeak. Zuzen doaz abestiaren muinera alboan bateria eta baxuaren kolpeak dituztela. Sarkor taldearen punk-rocka ahotsetan oso melodikoa da, kantu labur eta soinu azkarretan doaz helaraziak inolako etenik gabe. Gardetasuna hitzetan, zuzen doaz arazoen gakora; sistemak ez badio gizarteari lo egiten uzten, Sarkor taldeak lo egiten utziko ez dien musika zirimola ekarriko die sudur aurrera beti eta hortzak erakutsiz non nahi eta nolanahi. Errespetu gutxi azalkeriari, mundua kolore goxoz anestesiaturik eduki nahi duenari indartsu eta abiadura melodikoan emango dio erantzun Sarkorrek. Ohitura zaharreko abesti punk-rock melodikoekin egingo dio aurre mundu kodifikatuari.