Betty Rockanroll CD

Txapelpunk taldearen zortzigarren diskoak izena eta deiturak ditu, «Betty Rockanroll». Beti punk eta beti punk-rock. Melodiak alde guztietan. Leloak gainezka. Kantu gogoraerrazak egiten ditu Txapelpunk taldeak. Kantu bakoitzari hamaika itzuli eman ondoren, punk abestien biribiltasuna du helburu, jendearengana iristea lelo errazekin, kalkulatutako hitz xumeekin. Beraz, punk aireak, lelo sarkorrak, sentimendu distira kantuetan, bihotza bor-bor egiten… Emaitza Txapelpunk da eta «Betty Rockanroll» diskoan du bere gunea.