Los mejores de los peores CD

Txapelpunk taldearen seigarren diskoak «Los mejores de los peores» izenburua du. Abestiek punk eta rocka dituzte giltzarri, Txapelpunk taldeak  ohi duen bezala, abestiak behar baino gehiago luzatu gabe, horregatik dira hain laburrak euren abestiak. Punka eta rocka zuzen bihotzeraino, geltoki gutxiko ibilaldia, kantuak ereserki bilakatzea du xede nagusia. Entzuteko errazak dira, erritmo azkarrekoak, biziak. Kantu laburrak, baina ikaragarrizko joarekin. Txapelpunk taldeak hainbat bitxikeria sartu du diskoan: ska-punk ataleko doinuan haize instrumentuak (tronboia, saxoa eta tronpeta), oi-punk kutsuko abestiren bat entzun daiteke, hasierako balada punk erritmoan amaituko dute, inoiz ezin baita jakin nora eramango gaituzten Txapelpunken abestiek.