Hegalak astinduz

Hesian taldeak seigarren diskoaren izena da “Hegalak astinduz”. Hesian taldean zerbait eraldatu da, gauza dezente akaso, kantuen entzunaldiek ekarriko digute, nola ez, berri pozgarria. Hesian taldearen disko bakoitzak haren izena handitu eta indartu baino ez du egin urterik urte. Hesian taldean hazkundea diskotik diskora dator, abestiak gero eta gertukoagoak egiten jakin dutelako eta kaleratzen duten disko bakoitza behetik goraino erakargarri izaten asmatzen dutelako. Hesian taldearen abestien biribiltasunaren sekretua beltza eta zuria ongi nahastean datza. Hesian taldearen “Hegalak astinduz” diskoak bikain elkartu ditu Zuriñeren ahots leun eta goxoa, Franen indar trinkoarekin, batuketak emaitza bakarra du: kantuen bat-bateko abegikortasuna. Bateria eta baxuaren kolpeak eta abiadurak sorginduko ditu entzuleak, Ikerren gitarren zirimolek eta haize atalaren labankadek ekarriko duten giroak diskoa rockzaleagoa izango dela ohartzen du; letra konprometituak alboratu gabe, noski.