Punkaren semeak CD

Txapelpunk taldearen zazpigarren lanak taldekideak direna aldarrikatzen du: «Punkaren semeak». Punka rockaren ikuspegitik, rocka punkaren zirrikitu guztietatik. Sei abesti laburretan Txapelpunk taldeak bizitzaren kaleak zeharkatuko ditu eta azalduko zein modu nazkagarrian daramagun edo garamatzan geure bizitzak. Esan baina abiapuntua jarri hortik ateratzeko. Oraina bizi, iragana igaro zaigu eta etorkizunak batek daki nola pasatuko dugun. Bizitzaren gatibu baina alde alaiari ez dio muzin egingo taldeak. Txapelpunk taldeak bizitzaren kalearen bi espaloiak dantzan jarriko ditu abesti erraz, azkar eta trinkoekin. Melodiak buruan itsatsiko dira eta ea zer gertatzen gero. Txapelpunk taldea hainbatentzat egia bihurturiko amesgaizto izango da, beste batzuetan ordea, egia bihurturiko amets.