Mundu berria CD

Mirari taldea (2024, Iruñea, Nafarroa) Urko Milagro musikari iruindarrak sortutako proiektua da. Oso gaztetatik hainbat proiektu eta talde desberdinetan doitu du haren estilo pertsonala Urkok; lau urterekin ekin zion musikan ibilbideari perkusioaren eskutik eta bideari jarraiki egin zituen ikasketak ere, geroago bere kabuz gitarra eta ahotsa lantzera iritsi zen arte. Kantugintzan trebe, abesti hauekin zerbait handiagoa egiteko gogoa da Mirari sortu zuen akuilua, iraganeko proiektuetan izan dituen dozena erdi taldekideen laguntzaz, denak txaranga eta plaza-taldeetan zailduak baita ere.

Pop estiloa oinarri, 2024 amaieran aurkeztu zen taldeak “Mundu Berria” diskoa. Euskera hutsean idatziak, lehen lan luze honen zortzi abestiek pop-a, pop-rocka zein erritmo latinoak uztartzen dituzte, egungo euskal musikan proposamen fresko eta oso dantzagarri baten lehen hazia landatuta.