Volver a empezar CD

El Desván de… taldearen sustraiak eta eraginak oso garbi ikus daitezke hainbat abestitan. Rock zuzenean murgilduta dauden kantuek punkaren aztarna gardenak gordetzen dituzte. Alain eta Juanma musikariak 5 Kontra taldean egondakoak dira eta talde horretan punk-rock estiloa jorratzen zuten. Eragin zuzena utzi die musika mota horrek eta “Volver a empezar” diskoan baita agerian geratu ere “Volver a empezar” eta “Si te vas” abestiekin. Kantu hauek gitarra zorrotzeko rocka dute helburu, baina popa dute bide. Beste kantu batzuek popa dute xede nagusia. Hori esanda, ez dut uste bi bide desberdin daudenik diskoan, bai, ordea, bi estiloren uztarketa erraza eta ederra: rockaren indarra eta poparen gozotasuna. Kantuak zuzenean iristen dira ur lasaietan kaiaren barrenera, non hormen kontra topo egin eta musika-uhin txikiak sortzen dituzten. Popa eta rocka modu trebean nahasturik. Hori da “Volver a empezar”. Hori da El Desván de…