Labarraren ertzean CD

“Labarraren ertzean” Guda Dantza taldearen bigarren diskoak iturri oso desberdinetatik edaten du, ska-reggae eta musika beltzaren musiken arteko tarteak lantzen ditu; ska familiako doinuak dira nagusi baina soul-funk generoen egarri da. Baina kolore anitzagoak ere antzemango ditugu. Rockaren agerraldia punk zertzeladekin, swing basati eta liluragarria, reggae patxadatsua eta dub zipriztinak. Doinu beltzak bertan giro alaia sortzeko daude nahasketan, jaia bilakatzeko bizitza eta baita sakontasun osoz gure bizitzaren zirrikituak pentsatzeko eta sentitzeko, nahiak aldarrikatzeko eta eguneroko ekintzak, desirak, itxaropenak edo buru jateak zein diren aztertzeko. Guda Dantza seikote bizkaitarrak pisuzko musika eskaini digu euren gaztetasunetik, musika ertzak erdigunean utzita.