Izar CD

“IZAR” Albina Stardusten lehen lan luzeak “haren ibilbidea jasotzea” du helburu. Mírame-rekin hasten da, ikuskizunen munduan hasi berri zen trabesti baten aurkezpen-gutunarekin, eta 4 urte hauetan konposatu dituen abestiak biltzen ditu erreskaran, haren bizipenetatik sortuak, Yogurinha Borova, Kai Nakai edo Harribitxi artista handiekin egindako kolaborazioekin batera. Soinuari dagokionez, elektronika eta euskal musikaren soinu tradizionalak nahasten ditu (hemen ere eboluzio bat ikus daiteke), Albinak bere aktibismoan trabesti gisa daraman ahalduntze eta harrotasun mezua jasotzea helburu. Diskoaren osotasunean euskaraz da, Albinaren ustez mezu horiek beharrezkoak direlako eta hizkuntza honetan gutxi entzuten direlako.