Atzo / Gaur CD X 2

Modus Operandi taldearen hirugarren diskoak (Atzo / Gaur) iragana eta oraina batu ditu entzuleari etorkizun laburrean taldeak izango duen itxura musikala erakusteko. «Atzo» diskoko bost abestiek euskal musika taldeei gorazarre egitea dute xede. Bost talde esanguratsu aukeratu dira, naiz eta omenaldia hautatutako taldeak baino haratago doan. Irekian pentsatu du Modus Operandik, ate irekien jardunaldia izango balitz bezala, eta Euskal Herriko musikaren berrikuspena egin du eta moldaketa irekiak egitera ausartu da. Taldeak etorkizun laburrean izango duen musika ehundura josi du inolako konplexurik gabe. «Gaur» diskoak Modus Operandi berri bat dakar beste bost kantu berrirekin, nahiz eta kanturen batean aurreko bi diskoetako izpiren bat egon. Etorkizuneko Modus Operandi dago bi diskoetan, etorkizun argitsua taldeak bigarren diskotik hona izan duen bilakaera ikusita. Kantuak ekoizteko modu berria du Modus Operandik eta txukunketa horietan buru-belarri dago Josu Erviti bateria, teknikaria eta ekoizpenaren