Adrenalinaren zain CD

“Adrenalinaren zain” izenburupean aurkeztu du Garilak 26 erromeria talde bizkaitarrak haien lehen diskoak, zeinak sei abesti berri biltzen dituen, Eguzkizaleak Bilboko konpartsaren 25garren urteurrena ospatzeko propio egindako «Mende laurden» abestia bonus track bezala gehituta. Garilak 26 taldeak rockaren doinu zabalak landu ditu diskoan, beti hiru euskal musika tresna bereziekin, trikitia, alboka eta albokotearekin uztartuta. Trikitia eta albokaren doinuek emango diote Garilak 26 taldeari euskal musika tradizionalarekin lotura, eta hori da euren musikaren abiapuntua herriz herri defendatzeko euskal tradizioaren ikuspegia rockaren jarrerarekin nahastuta.