2024an Doctor Deseo taldeak disko berria kaleratuko du eta honekin batera talde bilbotarraren aurtengo bira ere prestatzen ari gara. Beraz, bete-betean dabil prestaketa lanetan gure musika eszenako talderik beteranoetakoa. Doinu berriek erakutsiko digute taldea forman dagoela daukagun musika desira asetzeko, eta kantu berri horiek entzungo ditugu birako zuzeneko zirraragarrietan, beti baita txundigarria Doctor Deseoren kontzertuetan gozatzea eta diskoak entzutea. Laster arte.