Ilun

Soilik taldearen diskoak “Ilun” du izenburua. Ez du ematen, ordea, estreinako lanaren aurrean dagoenik Soilik taldea. Denbora izan dute egin behar zuten musika mamitzeko, baina ez zaio inolako pitzadurarik ikusten, ezta hasiberrien zalantzarik ere. Soilik taldearen metal zipriztinak agerian dira kantuetan zehar. Soilik taldearen rock indartsuaren kolpeak entzungarri dira lanean. Soilik taldearen melodikotasuna poparen ukitutik datorkio. Soilik taldeak kantuak egiteko erabiltzen dituen musika-garapen luzeak aipatu ditugun musika estilo horien guztien nahasketa xelebrea da. Soilik taldeak indarrez abesten dio malenkoniari. Soilik taldeak tristeziari rock musika pisutsua eransten dio. Xuxurlatzeak ez dakar hauskortasunik. Hauskortasunetik ihesi, musika sendoan ditu oinarriak eta astia du, tarteka, abestiak xuxurlatzeko, sakontasunez eta potentziaz. Soilik taldeak porlanezko habian errun ditu abestiak banan-banan, indarraren sastadak leun bezain gogor.

• SOLIK ()