Apirilean ikusiko du argia Governors taldearen zuzeneko diskoak. "Su garaian" izenburua du urtarrilaren 31n Bilboko Santana 27 aretoan emandako kontzertua jasotzen duen CD-DVDak, eta Arrasateko taldearen orain arteko ibilbidearen laburpena eskaintzen du. Diskoa kaleratzearekin batera zuzenean aurkezteko emanaldiak eskaintzen hasiko da Governors, lehenengoa Ondarroako Beikozini antzokian izango da, apirilaren 17an, eta hurrengo egunean Otxandion joko du, baina aurrerapen gisa disko berri honen teaserra aurkezten dizuegu.
Bira honen ondoren, Governors taldeak merezitako atsedena hartuko du 2016an, zuzenekorik eskainiko ez duelarik.
