Nomadak taldea aurten sortu da, Emon taldeak erabaki ondoren utziko zuela. Nomadak taldeko Julen abeslariak ahots goxoa du eta taldearen rock ikuspegiak eramango du ikuskizuna festaren alderdira. "Hasieratik" lehen singleak rock eta elektronika kutsuak ditu, eta zuzenean entzuteko aukera izango duzu larunbatean, hilak 28, taldeak emango duen kontzertu ibiltaria bide!
Nomadak taldeak kamioi bat alokatu du kontzertu ibiltariaren asmoari bide emateko hilaren 28ko goizean zehar zuzenekoak jotzeko Gipuzkoan, Araban eta Bizkaian. Ez dute astirik izango Iparraldera eta Nafarroara joateko. Pena, hurrengo batean izango da! Musika tresna, anplifikagailu eta bozgorailu guztiak kamioian egongo dira eta Nomadak talde berriak bost abesti eskainiko ditu toki bakoitzean. Beraz, Nomadak taldea kamioira igoko da eta lau kontzertu bata bestearen segidan joko dituzte. Hemen egitaraua, orduak eta tokiekin.
Nomadak taldeak, hasieran, mundu digitalaren aldeko apustua egingo du jakinda sareek duten garrantzia gaur egun. Lehen singleak dantzan jarri ditu entzuleak eta erabiliko den promozio estrategia da astero kantu berri bat igotzea sarera (Youtube, Spotify...).
KONTZERTU IBILTARIA URRIAK 28
10:30etan Bergara. Domingo Irala kalean, erdigunean.
12:00etan Gatzaga. Plazan.
13:00etan Otxandio. Plazan.
14:00etan Aramaio. Nardeaga kalean.
