Punkaren semeak

Txapelpunk taldearen zazpigarren lanak taldekideak direna aldarrikatuko du: “Punkaren semeak”. Punka rockaren ikuspegitik, rocka punkaren zirrikitu guztietatik. Sei abesti laburretan Txapelpunk taldeak bizitzaren kaleak zeharkatuko ditu eta esango digu zein modu nazkagarrira daramagun geure bizitza askotan edo garamatzaten. Esan baina abiapuntua jarri hortik ateratzeko. Oraina bizi, iragana igaro zaigu eta etorkizunak batek daki nola pasatuko dugun. Bizitzaren gatibu baina alde alaiari ez dio muzin egingo taldeak. Txapelpunk taldeak bizitzaren kalearen bi espaloiak dantzan jarriko ditu abesti erraz, azkar eta trinkoekin. Melodiak buruan itsatsiko dira eta ea zer gertatzen gero. Txapelpunk taldea hainbatentzat da egia bihurtzen diren amesgaiztoak. Beste batzuetan, ordea, betetzen diren ametsak, eta hori da.

• TXAPELPUNK ()