Ez

Herri Oihuak taldearen bigarren diskoak “Ez” izenburua du eta lan hau Bizkaiko Aldundiak eta Bilboko Udalak antolaturiko “Banden Lehia 2012” lehiaketa irabazteagatik argitaratuko da. Herri Oihua taldeak, batez ere, metala eta rapa uztartzen zituen euren zuzenekoetan, hori zen egitasmoa. Bigarren diskoa zirimola bezala dator nahiz metala eta rapa duen baina hori baino askoz gehiago da. Herri Oihua gordin dator. Soinu gordinak ahots gordin eta goxoekin hitzen gotorleku gordina bihurtuz. Diskoak ez du errukirik ez soinuan ez testuan. Lepoan ez bada bizarrik nola egin hango bizarra kalte dagienari? Gizaki askearen oroimen zintzo eta garratz. Soinuak ez du gupidarik, baxuaren eraginpean eraikitako kantuak dira, zuzenak eta tinkoak. Melodia menderakaitzak erritmo trinkoekin lotuta. Herri Oihua taldearen bidea rockaren mokokadaz jositakoa da, orotariko soinuak erabilita: rocka, metala, punka, hard-corea, rapa. Kontzientziaren soinu eta testuak oroimenean itsatsiko dira abestien joan etorrian.

• HERRI OIHUA ()