En Tol Sarmiento taldeak maiatzak 12an Senperen izango den Herri Urrats 2019 jaialdiko abesti ofiziala eta bideoklipa egin ditu.
Aurten Seaskak (iparraldeko ikastolen federazioak) 50 urte ospatuko ditu eta antolakuntzak eta En Tol Sarmientok Seaskaren ibilbide luzea oroitarazteko zeozer berezia egin nahi izan dute, hemen duzue emaitza.
Aurtengo Herri Urratseko leloa LK izango da eta honen esanahia "eleka" izanik (elekatu = mintzatu = hitz egin).
Abestiaren konposizioa eta musika En Tol Sarmientok egin ditu, hitzak eta kolaborazioa Maddalen Arzallusek, konponketak, ekoizpena, grabaketa eta masterizazioa DeepSodak eta bideoklipa TAOMek egin du.
